ຄ ອ ຂ ເຊື່ອມຊຶມເອກະສານສໍາຄັນຂອງພັກ

ລາຍລະອຽດ

ສ້າງຂື້ນເມື່ອ ວັນພຸດ, 28 ສິງຫາ 2019 03:02

ຂຽນໂດຍ Darling

     ຕອນເຊົ້າວັນທີ 21/8/2019 ຄະນະໂຄສະນາອົບຮົມແຂວງ ໄດ້ຈັດຕັ້ງເຊື່ອມຊຶມເອກະສານສໍາຄັນຂອງພັກ ຂຶ້ນຢູ່ຫ້ອງປະຊຸມ ຂອງຕົນເອງ,  ມີສະຫາຍ ແສງຄໍາ ສຸວັນແດງ ຄະນະໜ່ວຍພັກ ຮອງຫົວໜ້ຄະນະໂຄສະນາອົບຮົມແຂວງ, ພ້ອມດ້ວຍຄະນະ ນໍາຕະຫຼອດຮອດສະມາຊິກພັກ, ພະນັກງານລັດຖະກອນ ຢູ່ອ້ອມຂ້າງ ຄະນະໂຄສະນາອົບຮົມແຂວງ ເຂົ້າຮ່ວມຢ່າງພ້ອມພຽງ;

ສໍາລັບເນື້ອໃນທີ່ນໍາມາເຊື່ອມຊຶມປະກອບມີ: ມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກສະໄໝທີ X ໃຫ້ກຽດເຜີຍເຜີຍແຜ່ໂດຍ ສະຫາຍ ບຸນທັນ ແກ້ວມະນີໄລ ຮອງຫົວໜ້າຄະນະໂຄສະນາອົບຮົມແຂວງ, ມະຕິກອງປະຊຸມຄົບ ຄະນະ ຄັ້ງທີ 9 ຂອງຄະນະບໍລິຫານງານພັກແຂວງ ສະໄໝທີ IX ໃຫ້ກຽດເຜີຍແຜ່ໂດຍສະຫາຍ ສີພາ ດັນປັນຍາ ຫົວໜ້າຂະ ແໜງອົບຮົມ, ບົດແນະນໍາເພີ່ມເຕີມ ຂອງສະຫະພັນກໍາມະບານແຂວງ ເລກທີ 294/ສກຂ, ລົງວັນທີ 27/7/2017 ກ່ຽວກັບ ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ແລະ ແຈ້ງການແນະນໍາ ເລກທີ 159/ ສກຂ, ລົງວັນທີ 30/3/2018 ວ່າ ດ້ວຍເປີດຂະບວນການແຂ່ງຂັນ 5 ເປັນເຈົ້າພ້ອມທັງສະຫຼຸບລາຍງານ ຜົນການປະເມີນຂໍ້ແຂ່ງຂັນ 5 ເປັນເຈົ້າ ຂອງສະມາຊິກ ກໍາມະບານ ແລະ ຂອງກົມກອງລວມໝູ່ ໃຫ້ກຽດເຜີຍແຜ່ໂດຍ ທ່ານ ເສົາພະຫັນ ຄໍາສົງກາ ປະທານໜ່ວຍກໍາມະບານຮາກ ຖານ.

     ຈຸດປະສົງ ກໍເພື່ອໃຫ້ພະນັກງານ, ສະມາຊິກພັກ ພາຍໃນຄະນະໂຄສະນາອົບຮົມແຂວງ ໄດ້ຮັບຮູ້ເຂົ້າໃຈຢ່າງເລິກເຊິ່ງ ຕໍ່ບັນ ຫາທີ່ຕັ້ງຂຶ້ນ ເຊິ່ງເລັ່ງທວງໃຫ້ພາກສ່ວນກ່ຽວຂ້ອງ ຕ້ອງມີມາດຕະການເດັດຂາດເພື່ອແກ້ໄຂໃຫ້ທັນການ, ບົນພື້ນຖານນັ້ນ ກໍ ນໍາໄປຜັນຂະຫຍາຍ ເປັນແຜນງານໂຄງການ ໂດຍສອດຄ່ອງກັບຂອບເຂດ, ສິດ ໜ້າທີ່ ຂອງຂະແໜງການຕົນ, ພ້ອມທັງນໍາ ພາປະຕິບັດແຜນການດັ່ງກ່າວ ໃຫ້ມີຜົນສໍາເລັດຕົວຈິງ ຍິ່ງໆຂຶ້ນໄປເລື້ອຍໆ, ສ້າງຜົນງານຂໍ່ານັບຮັບຕ້ອນ ກອງປະຊຸມໃຫຍ່ ຂອງພັກ 3 ຂັ້ນ ໃຫ້ມີບັນ ຍາກາດຟົດຟື້ນ ແລະ ມີຄວາມເອກອ້າງທະນົງໃຈ ທີ່ຈະໄດ້ກ້າວສູ່ກອງປະຊຸມໃຫຍ່ ຄັ້ງທີ XI ຂອງພັກ ຢ່າງເບີກບານມ່ວນຊື່ນ.

• < ຕໍ່ໄປ
• ຕໍ່ໄປ >