ຄະນະບໍລິຫານງານຊາວໜຸ່ມແຂວງ ໄດ້ລົງເຄື່ອນໄຫວພົບປະ ແລະ ເຮັດວຽກນໍາໜ່ວຍຶຮາກຖານຊາວໜຸ່ມຄະນະໂຄສະນະອົບຮົມແຂວງເຊກອງ.

ລາຍລະອຽດ

ສ້າງຂື້ນເມື່ອ ວັນອັງຄານ, 11 ຕຸລາ 2022 02:39

ຂຽນໂດຍ Darling

      ໃນຕອນເຊົ້າຂອງວັນທີ 27 ກັນຍາ 2022 ເວລາ 08:30 ໂມງ. ຄະນະບໍລິຫານງານຊາວໜຸ່ມ ແຂວງເຊກອງ ໄດ້ເຄື່ອນໄຫວພົບປະ ແລະ ເຮັດວຽກ ຮ່ວມກັບຄະນະໜ່ວຍຮາກຖານຊາວໜຸ່ມຄະນະໂຄສະອົບຮົມແຂວງເຊກອງ ໃຫ້ກຽດເຂົ້າຮ່ວມໃນຄັ້ງນີ້ມີ: ທ່ານ ແສງໂນພາ ມິກດາວົງ ຄະນະບໍລິຫານງານຊາວໜຸ່ມແຂວງ ແລະ ທ່ານ ບຸນທັນ ແກ້ວມະນີໄລ ຄະນະໂຄສະນາອົບຮົມ ແຂວງ.

      ທ່ານ ສີພາ ດັນປັນຍາ ເລຂາໜ່ວຍຮາກຖານຊາວໜຸ່ມ ຄະນະໂຄສະນາອົມຮົມແຂວງ ໄດ້ຜ່ານບົດລາຍງານການຈັດຕັ້ງປະຕິບັດ ວຽກງານໃນໄລຍະ ຜ່ານມາ ຈາກນັ້ນ ທ່ານນາງ ໜູໃຜ ດາລາແສງ ຮອງຂະແໜງກວດກາ ຂອງຄະນະບໍລິຫານງານຊາວໜຸ່ມແຂວງ ໄດ້ອະທິບາຍເນື້ອໃນເອກະສານການປະເມີນຂໍ້ແຂ່ງຂັນ 4 ບຸກ.

      ໃນໂອກາດນີ້ທ່ານ ບຸນທັນ ແກ້ວມະນີໄລ ໄດ້ມີຄໍາເຫັນຕໍ່ ຄະນະໜ່ວຍຊາວໜຸ່ມຮາກຖານ ຄະນະໂຄສະນາແມ່ນໄດ້ປະຕິບັດ ຕາມຂໍ້ແຂ່ງຂັນໄດ້ເປັນຢ່າງດີ, ສະມາຊິກ ແຕ່ລະຄົນ ມີຄວາມຫ້າວຫັ້ນພັດທະນາຕົນເອງ ແລະ ຄອບຄົວ ຢ່າງພົ້ນເດັນ. ນອກຈາກນີ້ ທ່ານຍັງໄດ້ເນັ້ນໜັກໃນການເກັບເງິນ ສະຕິບຳລຸງໜ່ວຍ ເພື່ອສົ່ງໃຫ້ ຄະນະບໍລິຫານງານຊາວໜຸ່ມໃຫ້ທ່ວງທັນຕາມກຳນົດເວລາ.

      ທ່ານ ແສງໂນພາ ມິກດາວົງ ໄດ້ເນັ້ນໜັກໃຫ້ສະມາຊິກຊາວໜຸ່ມໜ່ວຍຮາກຖານ ຄະນະໂຄສະນາອົບຮົມແຂວງ ໃຫ້ເອົາໃຈໃສ່ຕໍ່ວຽກງານດັ່ງນີ້:

1. ໃຫ້ເອົາໃຈໃສ່ປະຕິບັດຂໍ້ແຂ່ງຂັນ 4 ບຸກ
2. ໃຫ້ເອົາໃຈໃສ່ວຽກງານ ສ້າງຂະບວນການ ບໍ່ວ່າຈະເປັນອັນລວມຂອງແຂວງ ຫຼື ອັນສະເພາະຢູ່ໃນໜ່ວຍຮາກຖານຂອງຕົນ.
3. ຊາວໜຸ່ມຕ້ອງໄດ້ສ້າງຄວາມເຂັ້ມແຂງ ແລະ ຊອກຫາແຫຼ່ງລາຍຮັບເພີ່ມໃຫ້ກຸ້ມຕົນເອງ ແຕ່ບໍ່ໃຫ້ຜິດຕໍ່ລະບຽບກົດໝາຍ.
4. ໃຫ້ເອົາໃຈໃສ່ວຽກກອງທຶນ.
5. ການເຮັດວຽກຂະບວນການຕ້ອງຕິດພັນກັບການເຮັດວຽກງານວິຊາການ.
6. ໜ່ວຍຊາວໜຸ່ມຕ້ອງມີເງິນແຮພາຍໃນໜ່ວຍ ເພື່ອຕອບສະໜອງເວລາເປີດກອງປະຊຸມ ຫຼື ສ້າງຂະບວນການຕ່າງໆ.

     ການເຮັດວຽກຮ່ວມໃນຄັ້ງນີ້ຂອງຄະນະບໍລິຫານງານຊາວໜຸ່ມແຂວງ ແລະ ຄະນະໂຄສະນາອົບຮົມແຂວງ ໄດ້ດຳເນີນມາຮອດເວລາ 11:30 ໂມງ ແລະ ໄດ້ສຳເລັດລົງ ຢ່າງຈົບງາມ.

• < ຕໍ່ໄປ
• ຕໍ່ໄປ >